AmtmannZanzig3

Hei was up Jagd, taum irsten Mal in sinen Lewen, un as hei up sin Büss sach, föll em in, dat hei dormit en Hirsch scheten wull. Äwer dor was jo kein Hirsch, dor was jo ne, wat denn? Dor in n Nebel, nich föftig Schritt vör em wat was dit? Dort stund ein grot Dirt mit n dägten Kopp, dat was düdlich tau seihn, un dit Dirt bewegt sik un hei künnn dat ordentlich hüren, wo dat Veih dat Gras afret un upfrett, denn dat gnurpscht man so, dat müßt en Kap tal-Hirsch sin, un de Rechtsanwalt kreg en richtig Fewer för luter Upregung un Jagdlust; hei grep nah de Flint, äwer tauirst bewert em de Hand un hei künn knappemang dat Gewehr fasthollen.