Gistern-02_HinrichEggers

Fröher, as de meiste Arbeit up'n Buerhoff noch von Hand maakt wern möss, wör de Buer froh, wenn he in de Arntied blang dat faste Personal noch een or twee Hölpslüü too Hand harr. So een Hölpsmann wör up usen Hoff Unkel Willi. He wör nich sönnerlich groot un stark, doch wenn dat an de Arbeit güng, könn he mit de Kerls up'n Hoff good Schritt holen. Aln's, watt he anfaaten dä, güng em fix von de Hand und harr Schick.