7 Wat meenst du

Dat is nu knapp veerteihn Doag her, doar könnst du in düsse Zeitung läsen und in n Roadio hörn, dat twei besoapene Jägers sloapend in n Stroatengroaben bi Lührsbauckel funden worden sünd. Gewehre und Munition leigen blangen jüm, de Hund knurr de Finders an, und up roopen rögen sei sick nich. De Polizei hät denn de Gewehre vörsichtig wegnoahmen, und as de Beiden denn tau sick koamen weurn, doar mehnen sei, sei harn up Wild-swien scheiten wollt. Sowiet de Vörgeschicht, de sicher und hoffentlich noch n Noageschicht hebben deit, und ick will goar nich utmoalen, wat alles har passier n könnt.