Gistern-06_Kroeger

Al jümmer hett mi intresseert, wat Wöör bedüüden doot. Dat lett sik an mien Fomieljengeschicht studeeren: De Stammhoff vun de Krögers op de Staader Geest steiht bet vundaag in Harselah. In düssen Naam stickt dat inglische Woord "horse", Peerd in (ooldhoochdüütsch: [h]ros, Ross); dat anner Deel "-lah, -loh" is'n oold Woord för Wohld, Wald; dat ganze Woord bedüüdt also "Pferdewald". De Naam "Harselah" geiht wol trügg op de ooldsassische Tied, as dat Peerd hillig hoolen worden is un in'n Wohld free leven kunn.