Gistern-HinrichPanzer

Passiert is düsse Begebenheit 1990 an een Sünndag Anfang Dezember. Ik kann mi noch good an düt "Maleur" erinnern, denn an düssen Dag wör jüst Wahl för den'n Bundesdag un ik möss mit noch'n poar Derpslüü in de Amtsstuuv von usen Ortsvörsitter "sitten" un uppassen, dat dat mit de Wahl allens sien Schick kreich. To düsse Tied wörn bi us nich nur düütsche Suldaten söndern uk noch utlännischet Militär togang, oaber nich nur up de grooten Scheitplätze üm Munster un Bargen. Besönners dat englische Militär öv gern up zivilen Grund un Bodden mehrn mang de Derper.