Gistern-16_Poepping

Winn man hüüdigendaags de groden Meihdöscher öber de Feller brackern sütt, hätt sick in Verglieck to freuer bannig veel verinnert. Miene Oma vertell noch, dat se domals Koorn mit de Seeßel meiht hebbt un mit de Hand bunnen. As ick noch eene lüttje Diern vun fieve bit söss Johren wörr, geiv dat immerhin schon Meihmaschinen mit Binner, vun Peer taagen. De Fronslüü stellen dinn de Garven to Hocken up.