Bosselmann_Kartoffeln

Över't Kantüffel utkriegen hett dat hier all faken Bidrääg geven un ik will ok nich över de Oort un Wies schrieven, wi'n de Kantüffel ut'e Eer kriggt. Blots soveel: Us Mudder roder vörmidaags veer Reegen Kantüffel rut un glieks na'n Middag güng't denn los un wi dree Kinner mössen mit ehr na'n Upsöken hin. Mit dann Inwand: "Ik mutt aver noch'n Hupen Schoolarbeiten" bröökst du ehr gor nich to kamen, dat tell nich. Dat güng mit'n Drahtkorf un'n ole "Sludderbüx", de weer to'n Överteihn, rup up't Rad un na'n Fellen hin.