Isernhagen_PlattAusMuenchen

Swatt nich dat Witte lieden mag. Ansünsten passt de Twee tohoop un staht sogor in n besten Roop; to n Bispill, bi Schandarmerie sünd düsse Farven good dorbi; ne witte Fru finn t dor nix an un smiegt sik an nen Swatten ran; de Preussen, sporsam as man wat, hebbt in de Fahn blots Witt un Swatt; un bi dat ole Schattenspeel sühst du statts Swatt denn ok nich veel. In Nepal strieden damals mit US-Soldaten Swatt un Witt; dat Zebra, as son swatt-witt Peerd, maakt mit de Farv ok nix verkehrt; un ok de Orcas sünd nich faul un imiteert den Zebra-Gaul! Scotch Terriers sühst in Engelland du oftens ok swattwitt bin and, de finn st sogor mit düssen Naam op Whisky-Buddels as Reklaam!