Gistern-Inselmann

Mien Fro harr use Grootkinner, twee Deerns, dree un fief Johr olt, upn Schoot un leest jüm wat ut een Kinnerbook vör. Et sünd wedder teemlich dörtig Grad in de Sünn, aver hier in usen Goorn harrn wi een Freesitz inn Schatten up een Rondell. Se harrn sik een Zirkusgeschicht utsöcht un höörn gespannt to, wat Oma vörlesen dä. Mitn mal weer dor een unheemliget Knacken un Brecken achter jüm in een Boom.