Olthoff_WennSpraack

Mi kümmt dat ok faoken rein betütelt vör, wenn ick lees wat van Politik, över Fernsehn un van Welthannel. Man dat is doch al jümmers so wesen, De Kark hett al siet mehr as dusend Jaohrn latinsche Wöör in de dütsche Spraok inbrocht, de bit Martin Luthers Tieden een buntet Dörnanner van Dialekte in Süden Westen un Osten weer. In Norrn weer dat meist dat Platt, wat dörch de Hanse wiet verdeelt weer. As Luther denn anfung de Bibel in een Dütsche Spraok to översetten, hett he an sien Heimatspraok so an herümbastelt, dat elkeen in Dütschland se verstaohn kunn.