Gistern-Hüüt_Allermann

Nülichs stünn ne Annonce inne Zeitung von eene Huushaltsuplösung; de Lüe schölln man den nächsten Sönnabend mal vörbie kamen. Man harr Möbel, Biller un Gerätschaften in Angebot, dor wör n woll uk n poor Antiquitäten mang. Eenige Daag löter dröp ick den Verköper un freug, ob se woll all s loswoorn sünd. Nö, sä he, aber wi hebbt noch wat bi Ebay un öber Whats App anpriest.