Gistern-Hüüt_Heidmann

Mal jüst een Bratwost äten oder een Döner, keen Problem, Läbensmiddel sün verhann, so väl, dat in Düütschland Millionen Tonnen Läbensmiddel wegsmäten weert. Entweder sün sei de Lüe tou unanseihnlich oder dat is een bäten öwer dat Verfalldatum weg oder dat smeckt nich mehr so richtig. Sünn un Schann is dat un weer de Nahkriegsjoahrn noch miterläwt hat, de het dor öwerhaupt keen Verständnis ver. Ver use Veröllern stünn de Bitte ut dat Vaterunser "unser tägliches Brot gib uns heute" nich blos up dat Papier, de Sorg üm dat tägliche Brot weir wörtlich tou nähmen un so mannigeen kreeg nich jeden Dag satt tou äten.