Gistern-Hüüt_Kw35JHaar

Vundaag fang ik mien Moorngang mit n Hund achter n Schoolhoff an. Hier is blang den Footballplatz von n Interessentenforst noch een lütt Holtdeel mit woll üm hunnert Johr ole Führden överbleven. Dat besonnere an disse Eck is, dat man hier noch wat von de Sanddünen sehn kann, de veel öller as de Bööm sünd. Bit hier an t Dörp hett vör vele hunnert Johrn de Wind ut de groten Heid- un Sandrebeten von de Riensheide den Sand weiht.