Gistern-Hüüt_Isernhagen_27Kw

Dormit ik nu nich glieks in een Schuvlaad packt warr: Ik bin nich NABU-Mitglied un nich Jäger, ne, mi hört nich mal n Stück Busch. Wenn morgens bi us in Goorn een Reh mit Kitz fritt, denn freit wi us an de schönen Deerten. Bloos wenn se de jungen Bohnen un de Roden Beete as besonnere Delikatess kott öber de Eer afresiert hebt - de Rausenknuppen uk -, denn wünscht wi us, dat de Jäger jüm na de Schoontied taufat kriegt. Düsse Daag feuhr ik mit n Fründ n beeten dörch de Feldmark, dorbi käumen wi uk in de Eck, wo in lezte Tied een Wulfsrudel sien Tauhuus funnen haet.