HillmerAppelboom

He steiht nu al bilütten fiefuntwintig Johr op uns Wisch, de Celler Dicksteel, ne ole düütsche Appelsort. Um en rum staht noch dree annere Appelbööm, de wi op uns Streuobstwisch plant hebbt. Et is in'n Fröhjohr jümmers wedder en schöön Anblick, wenn de Bööm blöht un de Immen den ganzen Daag ünnerwegens sünd um den Nektar wegtoholen un dorbi ok dat Bestöven mit afhannelt. Hüüttodaags seggt man op needüütsch Win-Win-Situation , denn düsse natürliche Afloop bringt för den Boom, as ok för de Immen - to Hauptsaak för de Imker - aver ok för de ganze Natur, blots Vördele.