Gistern-Hüüt_HEggers

Wenn Plattsnacker, de sik vörher noch nie sehn hebbt, tosamen koamt, duurt dat meist nich lang un se snackt,kürt ode proat't so vetroat tohoop, dat'n dat Geföhl hett de kennt sik all ewige Tieden. So güng mi dat vör veele Joahren uk, as ik moal as junge Schoolmester bi een "Fortbildung" in de Gegend von Leer Ostfreesland wör. Na'n Middageten harr ik noch Tied , 'n beeten frische Luft to schnappen un mi de Feuten to verpeer'n. Up mie'n Weg dör de Feldmark keum ik an'n grooden Hoff un dreup an'n Tuun den Buern, de jüst Fudder för datt Veeh holen woll.