Hillmer_TreckerPlatt

Dat is ja nu ok schon belütten wiet över veerdig Joahr her; also schon ok schon eine Geschicht ut eine ganz andere Tied ... över manche Geschicht reckt ok bet in use Gegenwart henn, wenn et heit: Weiss du noch domoals ... Ümmer wedder leest man Berichte öber us Kinder hüttaudoag dat se veel tau wenig Bewägung hebbt und tau wenig buten speelt, davör öber mit Computer, Handy und Speelstationen (up neidütsch heit dat: Play Station) bestens Bescheid wät. Bi us uppen Land is dat hoffentlich noch nich ganz so schlimm, so hebbt de Kinders doch bi uss uppen Dörp noch alle Möglichkeiten buten tau speelen und ok in use veelen Vereene sick mit Sport, Musik, Füerwehr, Naturschutz und noch veele andere Bereiche sinnvoll tau beschäftigen.