Gistern-09_HorstQuast_Mien Ted

As ik so bi dree Johr old weer, do bröch mi de Wiehnachtsmann toun Fest een feinen Speel-Kolleg. Ik kreeg een Teddy, de wör bald jüst so groot as ik. Ik glöv mien Öllern un Opa un Oma harrn domals na de Währungsreform in dat eenzig Geschäft in'n Dörp, wo dat Speeltüch geev, düchtig in de Tasch langt. Oh, wat weer dat vörn Freid, har ik doch nu een, de överall mit mi hengüng in Hus un Hoff.