Gistern-HEggers

As wi vör good föftig Joahrn in dat lütte Hüsselhuus introcken sünd, stünn de oole Boom all in'n Gorden an de Kant von dat Grundstück. He wör nich sönderlich good wussen un is woll uk nich richtig pleegt worrn. Siene Appel wörn woll saftig un uk sööt, oaber lang henleggen könnst jüm nich. Doar wi in de nächsten Joahrn veel mit Bauerei an Huus un Hoff to doon harn, bleev de oole Appelboon so stahn, as he wör.